Karen ramkulh, Mutraw pengkomh, KNU brigade 5 hmunram in August thla thlakhat chung ah kahdohnak voi 143 a chuak i cu kahdohnak chung ah cun SAC ralkap captain pakhat telh in ralkap 88 an thi, tiah KNU Mutraw nih a thanh.
SAC ralkap 88 an thih pinah 57 hliamhma an pu i SAC ralkap kuttang um zung, inn 57 le motor pakhat an hrawh. Kaphnih kahdohnak ah KNLA ralkap 5 nih ram le miphun caah nunnak an pek i, 26 hliamhma an tuar. SAC ralkap nih khuachung le tualchung mi hna rianṭuannak hmun Leikuang le lo chung ah hriamngan lung 96 an kah, tiah theih a si.
August 18 ah SAC ralkap nih raltuknak vanlawng 2 hmang in Sibawgyo khua le Poga khua kar ah bomb lung li an thlak i, tualchung mi 1 nunnak a liam pinah 4 hliamhma an tuar, tiah KNU nih cun an langhter. Crd# TCP
relchap: Pathian Pekmi Mana Le Peng Pekmi Mana Izipt Saal cannak in Israel mi an chuak tikah, Pathian thimh mi Moses nih Ralkap si uh atimi hna ning in an si i Ral an doh caah, anmah nakin let tampi acak dueh mi ral vialte an tei dih. An hmai ah adir ngam mi an um lo. Raldoh loin nan miphun kan si tiah a hlen i surrender a tuah mi zong miphun ningin an um.
Gibeon Miphun hna cu Lamhla pi in kan ra, miphun tlau kansi tiah Joshua sinah an rak hlen.
An cohlan hna. A hnu ah An pawng um Canaanite ansi kha an hngalh. Chiatserh in biakam ciami asi caah an thah hna lo. Rianṭuan tu le Sinum ah an hman hna. Ramcar ah Pathian thimhmi Moses cohlan lo le doh in aum mi Korah le a party tu leikak nih a dolh hna ati.
Sui Cawfa asiam i abiami hna a that ngam tu chuak uh tiah Moses nih a ti hna tikah Levi miphun an chuak i an thah dih hna caah Israel Tlangbawi ah Pathian nih a thim ve hna. Israel miphun hi Sim ramcar ah Kum 40 an rau caah Korah te nih Moses kum zeizat an doh cu kan hngalh lo nain kum 10 hrawng cu asimen lai tiah Bible Sianginn kan kai lioah Bible History ah kan cawn bal.
Tutan Pathian nih Chinland Ralkap caah thimh piak mi CNF CNA doh tu hna zong kum 3 leng kansi ve cang. Moses nih ahruai lioah pumkhat sinak aduh lomi an um poah ah ral an tei ballo. CNA ah pumkhat si a duh lomi hna hi MAL teinak ah siloin Ral sunghnak lei ah hruaitu kan si hna cu Mikip hngalh asi.
Nangzong na hngalh ve ko lai tiah kan zumh ko. Mipi hi tlerhkhon lo le hnursuan lo tein kan vote ter uh, CNA ah kan ti dih lai.
Pathian nih Mana le Nimte in Raldohnak a hruai hna lioah i khonh hlah uh ati hna nain beng le Bawm ah aakhonh mi hna cu cangcel le rungrul ah aacang dih, a cheu an thu dih. Israel mi Izipt ram an um hi kum 430 asi. Chinland ah khuasa hi kum 500 – 600 asi lai. Aa khat deng kan ti khawh. Chinland nih Kawl Saal ah saltannak Kum 75 leng asi cang. Diamond Jubilee kan phan cang Saal cannak.
Aluancia 35 kum ah Chinland Saal sinak in luatter awkah Pathian nih zangfah mi CNA ah aum ko nain Mah le Peng Ralkap le uktu aa thimh dueh mi cu Mana kha Beng ah nan khawn. A thu dih te lai.
MAL tei in Federal lei lutnak siloin Cangcel asi suallai dakaw. Lungrual tein le Pumkhat sinak te he Innkhan chung ah athli tein thla nan cam ahcun Pathian aalawm i Thlacam leh asi ti asi. Matthai 18:20
Pumkhat silo le Lungrual loin Zei ralhmanh tei khawh asilo timi cu CNA ah fonh aduh lomi upa vialte nih nan hngalh dih ko.
Standard Army asimi MAL cu tu bantukin cun kan tei bal lailo. Hihi Mipi 80% leng kan hmuh ning asi.
Democracy le Federal hruaitu dik na si ahcun Mipi aw ngai uh. Cangcel le Rungrul asi dingmi le a thuh ding mi Mana cu beng ah khonh rai silo. Sui cawfa siamin Biak ti hlah usih. Canaan hluan Chinland Za Uk Pennak lut nan duh ve ahcun CNA ah i fonh ve ko cang Unau. Mupi cung cuang buin Mupi acuk tu cu Sangpi ah mupi a zuang lai i thaw hip ah a thi te lai.
Leave a Reply