Bawmhhal nak Update : Pu Muan Kim cu caan zeimawzat ,chungkhar sinah phan kho lo in a rak um, Asianain zuumtu vialte nih thlacaam nak in nanrak bawmh cio i a tu cu a chungkhat sin ah dam te in a rak phantthan cang tiah Pu Muan Kim chungkhat sinin lunglawmhnak thawng kan theih tthan caah kan i lawm hringhran. Thlacaamnak in a kan bawmtu nan cungah kan i lawmtuk hringhran.
Bawmhhal nak Update : Pu Muan Kim cu caan zeimawzat ,chungkhar sinah phan kho lo in a rak um, Asianain zuumtu vialte nih thlacaam nak in nanrak bawmh cio i a tu cu a chungkhat sin ah dam te in a rak phantthan cang tiah Pu Muan Kim chungkhat sinin lunglawmhnak thawng kan theih tthan caah kan i lawm hringhran. Thlacaamnak in a kan bawmtu nan cungah kan i lawmtuk hringhran.
relchap: Kalaymyo, Taungphilla sang ah checkhlatnak a tuahtu SAC ralkap nih nihin August 10, zinglei suimilam 11:00 hrawngah lamcung i aa chawkmi pahnih cu a ruang um loin an kah hna i pakhat a nunnak a liam, pakhat cu kuan hliamhma a pu, tiah Zalen nihna ṭial.
Indaikone sang(Hmuntha) ummi pa pahnih cu Taungphilla sang cozah umnak inn pawngah tlakrawh rian an ṭuan i, cycle in thaithawh hlam ding in an ṭin lioah SAC ralkap nih checkhlatnak an tuah cu an hmuh caah an kir ṭhan. An i mer ṭhan lio cu SAC ralkap nih an hmuh hna i an kah hna. Cycle aa phirhmi pahnih chung ah kum 28 pa pakhat cu a lu ah kuan nih a khen i a nunnak a liam colh, pakhat cu a baan ruh a kiak, tiah Zalen nih a langhter.
Chin ramkulh, Paletwa peng ah pehtlai in ruah a sur ruangah mincimhnak a chuak i, Kaladan tiva ti cu a liam ruangah khuachung inn zeimawzat zong an rawk, tiah theih a si. Paletwa khuachung ah a luancia July 27 in August 7 tiang pehtlai in ruah fak tuk a sur ruangah vawlei an cim i khuami hna umnak inn 11 an rawk, tiah Paletwa Biaknak lei mi bawmchantu phu nih an thanh.
A rawkmi inn hna le mincim serremhnak ding ah bawmhchanh kan herh ko, tiah an langhter chih. Ti lian nih hin ralhrial hna i dornak sakhan zeimawzat zong a phum hna caah, a him deuhnak hmun ah caan karlak an i dor chung, umnak le eidin kong ah an har ngai ko, tiah theih a si.
Leave a Reply