ZRA Le SAC Ralkap Phufonh Nih CDF Tonzang Battalion 3 Sakhan An Laak! Chin ramkulh, Tonzang peng, CDF-Tonzang battalion 3 sakhan cu ZRA le SAC ralkap nih nizaan August 31, zaanlei suimilam 3:30 hrawng ah luhhnawh in an laak, tiah CDF Tonzang battalion 3 commander sin in theih a si.
CDF Tonzang battalion 3 in commander Zo Mu Mung nih cun, “A voi thumnak training dih caan hmannak kan tuah a thaizing ah Tonzaang sakhan kahding in timhtuahnak kan ngei, kanmah vanchiatnak ah kanmah lei ralkap pakhat cu zu a ding i a zaam. Cu kong cu SAC ralkap nih an theih i zaanlei suimilam 3:30 hrawng ah an kan luhhnawh,” tiah a chim.
Kahdohnak ah CDF Tonzang battalion 3 lei in nunnak liam le hliamhma tuar an um lo nain sakhan chung chiahmi thilri vialte an sung dih, tiah theih a si. CDF Tonzang battalion 3 sakhan chung ah meithal 7, drone 2, RPG 1, 60mm 1, 40mm 1, AK kuan zuun 1000 leng, cycle 7 le facang tun 20 cu ZRA le SAC ralkap nih an laak tiah theih a si. Credit # The Chin Post
relchap: Peng Hruaitu ṭha Kan Tampi Nain Chin Hruaitu ṭha Kanbau
Dohthlennak nih Chinland Hruaituṭha rual hrin loin Peng Hruaituṭha lawng tampi a hrin hna.
Ramchung, Ramleng thlu loin Peng Politicians cu Patlung nakin tamdeuh in an par i an en hna.
Kokek Patlung cu Eithaw Vitamin asi nain Peng Patlung cu eisual ahcun thih afawi te. Siivai???
Kawlram pumpi in Pumkhat sinak le Lungrualnak he Federal Army piin MAL cu namh ahcun Kan dunglai Matbuary ahkhan kan thluk diam canglai. Kawlram Pumpi Pumkhat si le Lungrualnak cu NUG nih an ser khawh ti lo. Mah le Ramkulh, Ramṭhen cio in kan do cio. COC tuin NUG nih ankan kalpi. NUG COC zong cu MAL tei awkah rianṭuan khawh lo.
Kachin, Karenni, Arakan dah tilocun Hriamtlai ah pumkhat asimi kan um lo Kueram ah. Shan, Karen, Mon le Kuepue hi aapumkhat lobik ansi an kan ti tawn ko nain Chinmi an kan tluk rua lo. Pau Dohthlennak ah Chin mi kan lungrual lomi le pumkhat kansi khawh lo mi cu Sayaci kansi ko. Aruang kan kue tikah Chin huap Hruaituṭha ah i chuahsiam loin Peng Hruaituṭha tampi, thahcawklo kan chuak caah tiah Cunglei biathli cu asi.
Thlam Samh buin Tithuknak lei pilhin tuak tikah Pathian nih hruaitu tampi le bu tampi hi hruaitu ah a thim bal hna lo. Hruaitu pakhat le bukhat lawng hi a thimh tawn hna ti asi. Hruaituṭha tampi le bu tampi cu Pathian nih kan caah a thimmi bukhat le Hruaituṭha kuri nak tangah nawlngaih nak he tangdor tein bawmhin rianṭuan kha asi. Teitu ansi zungzal ve. Profet Samuel cu Israel Uktu Biaceihbawi ahnubik asi.
Pathian thimmi Samuel aum rih ko nain Israel mi nih Miphun dang bantukin SPH an hal caah Ralhrang Saul apek hna. Saul cu Pathian thinhungnak lawng achan chungah aummi Saul. Pathian Thlarau nih akaltak. Saul nih Israel ral a tei khawh lo.
Tuanbia chiakha aṭial tu Saul asi. Pathian pekmi Samuel aum ko nain Israel mi nih Saul an thim caah asi. Saul Nawngtu hi a mipi ansi. Samuel bangin Pathian nih Chinland Ralkapbu CNF / CNA an kan pek kan ti lio ah Saul SPH pakhat lawng siloin 17 leng bak an hung pawt ai. Pumkhat le lungrualnak loin raltei ti aumbal rih lo.
Kawlte le Ramkulh dang an lungruallo zongah Chinmi kan lungrual ahcun Kawlral tei khawh asi.
Kawlram vialte a lak dih cang i Rangoon tamdeuh alak cangmi Karen cu Chin lawngin kan tei.
Tuchan Kawlram siamtu kansi bal caah Chin lawng in MAL a tei khawhtu kan si. Lungrualnak le Pumkhat si a herh ve. MAL tei awkah zeizong tein a chambau mi Chinmi caah (1) Pathian le (2) pumkhat sinak (Lungrualnak) lawng antang cang.
2nk hi nan tuah khawh lo ahcun Pathian nih MAL kan tei piak ve hna lai lo ankan ti. Cozah ah siseh, Ralkap ah siseh, CNF / CNA ah um dih hi MAL teinak asi. Aduhlomi Peng hruaitu hna cu Pathian le Chin Mipi biaceihnak ing ve cang seh, aphu ko. Mipi 75% leng nih Hihi kan duh dih ko.
Leave a Reply