A bikin Delhi ummi ka miphun u le nau caah ka tial mi a si. 2019 in covid rai nih a kan den i cu hlan in a rak um cang i minung nunnak tampi a hrawk mi AIDS zawtnak kongah kan dai thlan lo a herh.
Keimah clinic ah a rak i zohter mi chungin AIDS zawtnak a ngeicia mi an tlawm lo. Cun mi cheu cu anmah le anmah an i hngal lo i check up ka tuahter hnu lawngah HIV rungrul an ngeihmi kha an hgalh. A cheu cu nau ngeih kan duh an ti i ruahlo piin zawtnak rungrul an ngei i ngaihchia tuk a si.
Hi bantuk zawtnak cu an min phuan a that lo caah na ruahlo minu/mipa, na hawikom tha zong kha an si kho ko. Na dawt mi le na duh ngai mi le na zumh ngai mi zong a si kho ko. Abikin nungak/tlangval le minu/mipa sinah nupa sinak nan tuah sual ahcun a danh (Condom) hmang hrimhrim uh!
A si khawh ahcun ai thi um dingmi zong hi HIV rungrul ngeih le ngeih lo i check hmasa ah a him bik. Zeicatiah na zumh ngai mi le thil tak kha ai dang kho mi a si. Siaherhnak he tialmi si. # Dr. Pari
Leave a Reply