Fapa Pakhat Te Na Si Caah Na U Le Na Nu le Pa Nih An Tuar Ning Ka Ruah Tik Ahcun Ka Lung Fak Tuk Ko Ee

Na ngakchia lio lawng kan hmuh. Kawl ralhrang doh ka duh tuk nain ka tlinh lo mi nangmah nih nunnak pekin na doh tikah na ka tei cikcek. Cubelte cu fapa pakhat te na si caah na u le na nu le pa nih an tuar ning ka ruah tik ahcun ka lung fak tuk ko ee.

Na u Iangku le na pi Dr.Pari nih na hawi le hliamtuar cu an zohkhenh cuahmah hna nain nang vial cu an in zohkhenh manh lo mu. Atu zong na u Iangku cu na hawi le hliamtuar operation tuah dingin a kal pi hna. Sii inn in na thawng a theih i a mitthli he sii inn in a rak lawi cu…

Na thawng theih cang ka khua mi nih an kan hnemh. Zapi thla kan cam i cam awk zong aa thei lo. Na miphun ralthuam he kan tum Van Ram ah chungkhat tling tein kan i hmu than te hna lai mu… # Salai Tin Maung Win

relchap: Chin ah unau hna zeitluk in Chin miphun kan tangti a herh timi cu kan i fiang tuk ko lai tiah ka zumh nain kanmah thutdan ruang ah maw, a si lo ah kan pengtlang ca lawngah maw (or) nuamhnak mem lawng ah raltuk kan i thawh timi hi ruah ngai a herh tuk cang tiah ka ruah caah Chin miphun chung holh aa hrawm kho rih mi tal nih ruat than hna uhsih tiah ka duh caah ka hun i thlak than ta.

Holh aa hrawm kho rih mi tiah ka ti tik ah hin Hakha, Thantlang, ZZLMS tal nih hin CNA ah pum kho si kho ding ruat kho uhsihlaw ti hi ka saduhthahnak bik cu asi ko. Zeicaahtiah KKG , Hulngo + cheukhat cu CNF/S tangah an um cang. Nain Hakha,Thantlang , ZZLMS kan um rih lo hih! A ruang cu nai i Vaurawng zuunthil nih Kareni lei an sawm mi lutlai an biachim khi Chim hriamtlai he tlai lo nih kan theih dih asi ko lo maw?

Zeiruang ah SAC ralhrang hitluk in an tei khawh hna? KNDF hi zeitindah an dirh timi le ral an tuk tik ah mi zei nih an hruai hna timi cu fiang tein a kan chimh kha mu! Khah asi ahcun Karen chung ah hriamtlai hmasa cu KNPP an si caah anmah hruainak in ral kan tuk a ti kha mu! Ziah Chin ram ah hriamtlai tamtuk kan um ko nain min pakhat ah kan i funtom kho lo? Cun Chin ram chung ah hriamtlai hmasa hi CDF maw asi CNF/A?

Chin ram chung naite a chuak mi hriamtlai CDFs pawl tuak uh! CNF/A hi nan pa bantuk ah nan i ruat kho lo maw? Kan pengtlang chungah kanmah nawl lo in SAC ral nan kah kho lo nan timi hi khua nan tuak hmasa maw hal kan duh ko hna! Zahan thawngpang nan theih maw? Falam SAC sakhan khi Hakha or Thantlangnak in ai hlat deuh mi KKG le CNA i fonh in an kah timi kha!

A fa nih kapa tiah aa kom ahcun teinak an hmuh ti kha nai fiang maw? Tuak uh CDFs pawl CNF/A tang in ral nan tuk ahchn teinak tampi nan hmuh lai hih. Hlawhtlinnak or teinak taktak hmuh na duh ahcun na sining kha chuahtak na ngamh awk asi? Vancung pennak chung luh naduh ahcun tangdor nun na ngeih hmasa a hau khah!

Hruaitu si duhnak lawng nih teinak a chuahpi lai lo! Tutan chim kan duhbik mi hna cu ramleng CDFs supporting hruaitu le Chin ram chung CDFs hruaitu pawl nan si! Nan hruaimi CDF ralkap nan nau le ka mawchiat bak hna lo hih. Ramleng CDFs supporting hruaitu le ram chung CDFs hruaitu lutlai pawl chimh kan duh ko hna, SAC ralhrang Tei nan duh ahcun na hlan ah facang Pii thongkhat a rak ei chung cang i ral lei experience tamtuk a nei cang mi CNF/A chim fialnak tang um i nau tat hlah uh mu! Adonghnak ah tutan USA i CEB hruainak in tuahmi CNF+ CDFs kong biaruahnak ah CDFs supporting pawl nan lung rak thumh hram uh tiah nawl kan duh ko hna! Ka rak peh te lai! Crd # The Star Ente