Miphun caah nunnak a pemi Thantlang, Hakha CDF le CNA thihnak cung i lung awi taktak in a hun kan phomhtu

Miphun caah nunnak a pemi Thantlang, Hakha CDF le CNA thihnak cung i lung awi taktak in a hun kan phomhtu (Tg sianpi Zomi) timi hi a tu tan lawng a si lo. 25 July 2023 ni lio zong ah FALAM DUHDAWTTU PAWL TONKAWMNAK timi page hi CNA a rak phomh bal cang. Catarmi ah khan rel… Mah lio a cabia hmanmi hrimhrim ah hin (CNek) timi bia a rak hman cang.

Tutan a ca postmi kong ah mi dang nih an ka hack a timi hi a rak i silhnalhnak (phisin) mi a si a fiang tuk. Cucaah Tg Sianpi Zomi timi pa hi nih hin kei mah bak nih ka post ko. Khua ka ruah sual tial nawlnak a hun tuah lo i mi hack ka ton ti sawhsawh in aa phisin ah cun kan duh ding a si lo. Credit # Hc Jon

Thantlang kahdohnak ah Chin ralkap nunnak a liam mi hna diriamhnak kong Falam holh in a taar (post) tu kha Falam mi a si lo. Tg Sianpi Zomi a si i Falam Duhdawttu timi group ah mindeu (fake account) in a taar. Hi pa cataar ruangah Falam kan unau hna cungah lungfahnak, ingpuannak, thinhunnak a chuahter.

Cucaah mah ca a taartu kha Falam mi si lo ti kha theihternak kan vun tuah. Dohthlennak ah hin kanmah le kanmah karlak ah thencheunak, i hmuh thiam lonak, i sikhuatnak chuahter dingin MAH le amah tanhtu hna nih a phunphun in an i zuam peng lai. I ralrin ngaingai a herh.

Ruahdamhnak: Cheukhat nih Tg Sianpi Zomi a si lo. Ngun Nei Mawi a si an ti i hi zawn i an i comment mi zoh tikah an pahnih in CNA a hua ve ve mi an si ti a fiang. Cun mah min pahnih hi a hmangtu pakhat zong a si kho.  Crd # The Chin post