Tu lio Minipur ram buaknak konghe pehpar in fiang deuh in thei na duh ahcun BBC news an ttialmi hi nan rel dih ahcun fiang tein na theih kho lai cu caah lungsau tein rel dih khawh rak i zuam ve hrim. India ram miphun kar i dohnak nih hin zeidah a cuahpi timi kongah BBC news nih an ttialmi ning tein a tang lei ahhin kan rak ttial mi a si.
BBC news nih a langhter ning in cun India ram state pakhat Myanmar le Bengladesh pawngah a ummi Manipur ahhin majority mi tam deuh hi Meitei an si i, minority miphung a tlawm deuhmi hna hi Kuki miphun zohhnathlak an si tiin an langhter.Minipur state ahhin Minung a ummi hna hi 3.3millions an si tiin an langhter.
Miphun pahnih kar buainak nih India ram chungah zohdawh lo taktak mi a chuah pi i, cu thil cangmi nih cun vawleipi a culh dih. Hi kong ahhin India prime minister tiang nih a lung tthat lonak kong a chim. Miphun pahnih kar buainak an ngeimi ruang ahhin state pakhat chungah khua a sa ttimi hna cungah miphun pakhat le pakhat kar ah an tuahmi tuksapur thil chiahru taktak mi cu, Meitei miphun hna nih Kuki zohnathlak miphun nungak hna cungah an thil tuahmi tuksapur ruangah hin vawlei pi a culdih.Meitei miphun hna nih Kuki nu pahnih hna cu an taklawng in an cawkpi hna hnu ah an tlaihhrem hna i an thah hna tiin thei a si.
Minipur state ahhin Meitei miphun hna hi an deuh an si i 43% lawng hi Kuki le a dang miphun an si tiin an langhter.BBC news nih an langhter ning ahcun May thla tiang tiang in miphun pahnih kar buainak ahhin minung 130 nunnak a liam i 400 hrawng nih hliam an tuar tiin an langhter.Hi buainak ruang ahhin minung 60000 hrawng nih an nun himnak ding caah an umnak inn le lo an chuah tak tiin an langhter.
Zeitindah Hi Thil Hi A Rak Thawk?
Kuku miphun nih Meitei miphun hna sinah official tribal stauts pek dingin an halmi hna duh lonak an rak langhter thawk in hi buainak hi a rak thawkmi a si.Manipur state ahhin cozah rian ttuannak konghe pehper in Meitei miphun nihhin Kuki miphun hi an uk ngaingai hna ruangah a tu bantuk in Meitei nih an halmi hna hi khua le ram i huainak kongah Meitei miphun nih an uk deuh hna caah official tribal status an kalmi hna hni meitei lei nihhin an duh lonak hi a si.
Manipur state ahhin phung nih a cohlan lomi chawhleknak tampi an tuanak hmun a si i cucu Meitei miphun hna nihhin Kuki miphun hna ruangah a si tiin an chim. Manipur state ahhin phung loin Myanmar le Bengladesh lei in an pemmi mitampi an um tiin thei a si.
Kum 10 hrawng ah khan Meitei,Kuku le Naga miphun hna nih hin ram ngeinka kong le cozah sernak kong ahhin buainak an rak ngei peng cang hna. Hi buainak konghe pehper in a dawngnak ah buainak a ngei deuhmi hna hi Meitei le Kuku miphun hna kar hi a si deuh tiin an chim.
Meitei miphun hna hi Manipur Imphal Myanmar ram lei hrawngah khuasa deuhmi an si hna i an nih hi Hidu biaknak a zulmi a tamdeuh i mi cheukhat hi Sanamahi biaknak a zulhmi an si. Kuki miphun hna hi India ram northeast state chungah le manipur tlangram lei ah khua a sami tamdeuh an si hna i anmah hi Khrihfa biaknak a zulhmi an si hna.
Leave a Reply