Ram Chizawh Le Ni 15 Bawhte Thawngpang Nih Social Media Platform Ah Hmunhma An Lak Ngaingai

A cung title ah kan rak langhter cang bantuk in ram chizawh (wild cut) nih bawhte nihlei telawng a si rihmi a thahmi kong cu India social media ah hmunhma a lak ngaingai. Hi thil cang konghe pehper in kan hnu zarh nilini (4) ah khan a cangmi thil, hi bantuk thawngpang hi thei a har ngaimi an um bal tuk theng lomi cu India ram ah a tlung.

Report an tuah ningin cun India ram Uttar pradesh state Buduan khua ah a cangmi thil a si. Chizaw nih hin a hmur in bawhte ni hleinga telawng a si rihmi cu lei lei ah a kalpi i hmunremnak ah a chiah hlan ah inn cungin tang lei ah a thlak caah bawte zeihman a theih rih lomi hi a nunnak a liam tiin an chim.

Chizawh nihhin bawhte hi ei a duh caah maw a chuahpi hnga tiin an chim i, zeitindah minung fa a si komi hi bantuk in chizawh nihhin a kalpi hnga hi thil cangmi kong ahhin hngakchia nu le pa chungkhat hi an daithlang deuh ruangah a si ko. Hi tawngpang hi palik nih report an tuahmi a si i atu lio India ram social media ah ceihphai a thawng ngaimi thil pakhat a si.

 

Hringtu a nu caah zeitluk in dah tuar a har hnga mu. Thi cio cio hman ah inn chungah an thlin komi ram sa nih a rak thah ko hi cu nu le pa chungkhar caah cun tuar a har ko lai e. Nu le pa hi fa le caah truanvo ngei bikmi kan si caah i ralrinnak hi zeitik hman ah daithlang lo tein um peng kho hna usih.