Kalaymyo myohla le Sekan karlak i a um mi pawl ralhrang pawl cu tuini August 12 ahcun Sekan khua ah luh hram an i thok cang i Sekan khua chung i a um mi mipi cu an buai thluahmah cang hna tiah thawngpang Kan theih. Cun an khua chung inn zong an khangh thluahmah cang I tutiang ah hin cun inn zeizat dah an khangh cang timi cu felfai ten theih khawh a si rih loh.
Taungphila, Hmuntha, Myohla le Sekan pawngkam ahhin August 10 in August 12 tiang ralhrang ralkap le mipi ralkap pawl cu biatak ten an i doh cang i a tutiang ah hin an i doh nak boruak cu pakhat hmanh a dai rih loh. Cuti an i doh nak ruang ah cun an i doh Ning a fah tuk caah an khuapawng mipi vialte zong hrimhrim duh ah an zam thluahmah cang ti a si.
relchap: Chin ramkulh, Falam SAC ralkap khah lah yiah 268 battalion cu CNA nih tuzing August 12, deilei suimilam 1:00 ah an va kah hna i kahdohnak ah Chin ralkap nih hriamnam zong an laak khawh pinah SAC ralkap commander pa hliam a tuar. Kahdohnak chung ah CNA he ṭangṭi CDF KKG ralkap pakhat a nunnak a liam, tiah Zalen nih a ṭial.
CNDF runvennak lei secretary Pabiak nih cun, “SAC ralkap sakhan an va kaihnawh hi a ṭha ko, asinain tualchung hriamtlai phu sin ah chimhchawnhnak le thawngthanhnak a um lo caah kan lung a ṭha lo,” tiah Zalen ah a chim.
Nihin August 12, khuadei hnu ah khah lah yiah 268 battalion um SAC ralkap nih Falam khua kiangkap ah duhtawk in hriamngan an kah ruangah Sunthla khua chungkhar pakhat simi – kum 40 tluk hringtu nu Pi Hrang Lian Hluai, a fapa kum 18 tluk Biak Thawng Mang le a fanu kum 10 ngakchia Ram Tluan Par cu hliam an tuar. Zinglei suimilam 11:00 hrawngah SAC ralkap nih Falam-Hakha lampi um Ramthlo khua cu raltuknak vanlawng pakhat in bomb a thlak, tiah Zalen nih a ṭial.
Leave a Reply