CDF Zotung nih khua mi tangka an kholh peng ruangah Sifah santlai lo zawnruah nak bia achim ruangah CDF Zotung nih Zotung ram Ccung Sung (Calthawng) khua i bochan ngai mi Saya Ngan Ngan cu an kal pi i a fapa nih a zulh ve ko hna nain a fapa cu dindeuh in an kut an thlak i an rak kir ter i a pa tu cu an velh an velh i zan ah an inn hmai ah an rak thlah i a thaizing ah Hakha sizung an rat pi ti asi.
CDF-Zotung ae nynh a buanaw ae vaemaw tuh myarya ccih zah adang langpaw ngaehoi khonaw phe ru vae. Alu kalan achi pung kae vae zah. Haekhaw te Zekung lan nynh ccia khae lang te tuavae ae cite, thungpang oun thaesah ae.
Adang khonaw lang Pachia kalan sawsang te bungbua oh sih. Vae rang uhkunaw a hoipaw mue khonaw lang zema Pachia kalan sawsang oh sih.
relchap: Sagaing ramṭhen, Kalaymyo thonginn ah thong a tla mi Chin National Defense Force-CNDF chungtel Salai Van Biak Him cu Kalaymyo siizungpi ah thlop cuahmah a si nain August 6, zinglei suimilam 10:00 hrawngah a nunnak a liam, tiah tualchung mi nih an chim. Salai Van Biak Him cu a luancia 2022, March 15 ni Kalaymyo thonginn chung i kahnak a chuahlio ah a nunnak liammi CNDF chungtel Van Dim he 2021, May 30 ah SAC ralkap nih sualpuhnak he an rak tlaih hna.
“Keimah he Kalaymyo thonginn ah kan rak umṭi bal. Salai Van Biak Him hi Van Dim he hmunkhat teah a umṭi pengmi an si i, Van Dim a thih hnu ah hruaitu a si an ti ruangah fak tuk in hrem a tong. Cu pinah a nih hi a ngandam lo ngai mi a si i, a cuap zong a ṭhat lo caah siizung ah an thlop lengmang mi a si,” tiah Salai Van Biak Ham he hmunkhat ah thong a rak tla ṭi bal mi pakhat nih a chim. CNDF ralkap Salai Van Biak Him hi a ngandamnak a ṭhat lo pinah sii-ai tlamtling in thlop a si lo, ṭha tein siizung ah i thlopnak nawl zong a ngei lo.
A zual tuk hnu lawngah thonginn leng siizung ah an kalpi, tiah an chim. Salai Van Biak Him thihnak kong he pehtlai in CNDF chimphuannak nawlngeitu Salai Cung Ngai nih cun, “Anih hi lungzawtnak a ngeimi a si tiin kan theih. Siizung an phanhpi hnu minutes 30 hrawng a rauh ah a nunnak liam, tiah an chim nain, a zoh dawhnak in siizung i a thi mi bantuk in an chim a si ko. Thonginn chungah ṭha tein an thlop lo ruangah atu bantuk in a nunnak tiang a liam hi a si. A ruak zong a chuah semnak Chin ramkulh Falam ah vui ding in hal a si nain an sianh hna lo caah Kalaymyo ah nihin ah ruak vuinak an tuah,” tiah a chim.
Atu tiangah CNO/CNDF chungtel 14 cu SAC ralkap nih phungning loin an tlaih hna. 2022, March 15 Kalaymyo thonginn chung i kahnak a chuah lio ah Salai Van Dim cu a nunnak a rak liam i, tutan ah nunnak luammi Salai Van Biak Him hi thonginn chung i nunnak a liam mi pahnihnak a si.
Leave a Reply