Bago ramṭhen, Kyaukkyi pengchung ah thla 4 chung SAC ralhrang nih an hremnak hna le kahdohnak an tuahmi ruang ah mipi 11 an nunnak a liam i 18 an tlaihkhih hna, tiah Karen Emergency Assistance and Relief Committee sin in kan theih.
Kyaukkyi khuapi ah 2023, May thla in August 15 tiang SAC ralhrang nih cunglei kahdohnak voi 33, Drone in voi 1 le hriamngan kuan 400 leng in voi 37 an kah, tiah theih a si. “SAC ralhrang nih atu bantuk in hriamngan an kahmi ruang ah mipi inn 20 leng aa rawk i siangngakchia 4 hna telh in mipi 6 an thi, minung 13 nih hliamhma faak ngai an tuar.
Cu pinah mipi 18 zong an tlaih hna i minung 2 cu an hrem hna hnu ah an thah hna. Minung 3 hi mei in an khangh thah hna. Cucaah khuate 40 leng in minung 8,000 leng nih khua chuahtak in ral an hrial” tiah Karen Emergency Assistance and Relief Committee nih an langhter.
Leave a Reply