Atu lio tak hi kawlrawm lei zong i kahdohnak a sausang ngaingai tiah theih asi. Min Aung Hliang nih a hruai mi SAC ralhrang ralkap pawl cu mipi ralkap pawl nih fak tak tak an thuat peng hna. Cutikah ralhrang lei nih an celh ve bak loh. Atu tiang ah kan dir hmun kan zoh tikah ralhrang ralkap pawl tum chuk lei an panh thluahmah cang.
Ralhrang ralkap pawl an um kal nak ding lam hi a bi nagingai cang. A cung lei nih ralkap thazang a rak chap len zong ah an kal nak lam kan bawh hna i kan doh thluahmah cang an kal nak ding laam a um ti lo. Cucaah a chung ah a um mi ralkap nih an celh ti lo. Tei nak lei kan panh cuahmah ko SAC ralkap pawl nan kan doh ding a si ah cun kan chim ta cang u tiah an kan nawl cang.
SAC ralhrang ralkap pawl mipi ralkap sinah bia hal nak an tuah mi cu ni hna a chuak pah. Bia hal nak tuah mi cu kah nan kan timh ahcun rak kan chim ta uh tiah an rak ti hna. Mipi ralkap lei nih an ti mi hna cu kan in chim hna lai i zei tindah nan tuah lai tiah an hal than hna tiah ah kan zaan lai tiah an rak ti hna tiah U Mg Mg Shwe nih a chim.
Kan ral a si mi SAC ralkap pawl hi suimilam pa 1 chungah fawi tein kan den thluahmah hna tikah kan ral asi mi hna cu an thinlung an ruahnak a zawr tak tak tikah zaam nak lawng te an i kawl cang. Kan nih cu kan thawng chinchin cang. Khat lei ah cun an mawh lo zaamnak an i kawl ko lo ahcun a tuah ding mi thil a um lo.
Relchap: Central Lairam, Lawngtlai 2023 Chiapa 15: Manipur ah Meitei kut a tuar cuahmah mi Kuki – Chin mi tuarnak tuarpinak le dirkamhnak cu nihin ah Central Lairam khualili Lawngtlai ah ngeih a si. Lawngtlai lawng siloin Mizoram hmunkip ah Manipur i Kuki- Chin mi dirkamhnak tuah cio a si. Lamzawhnak ngeih dih a si hnuah Lawngtlai Areopagy ah caantawi hman a si. Pu CZ Thanlian – Kan unau hna temtuarnak tuarpinak le dirkamhnak caah Laimi zapi kan i khawm, an temtuarnak kan tuarpi hna.
Lai Women Association, General Headquarter Lawngtlai – President Pi V. Lalrinkim ” Nihin kaj unau harnak tongmi tuarpinak langhternak caah hin Laiholh in biachim ka duh ko na’n miphun tlau kan si caah kan holh kan dihlak in kan hngalh lai lo caah Marholh in ka chim lai ( Laiholh in a chim) Kan unau Kuki mi an tuarnak kan tuarpi ve hna, nihin lamzawhnak hi, kan unau Kuki nu pahnih taklawng in lam an zawhpinak hna cu kei cu ka zoh ngam hrim lo, taklawng in lamzawhpi lawng siloin an tlaihhrem hna i an thah hna, an nu sinak hmaizahnak an ngei lo, kan unau hna temtuarnak a fak tuk, zaangfak tuk an si. Kan unau tlangmi cungah a tlungmi hi zohsawh awk a tha hrim lo caah lamzawh in nihin ah kan chuak. Nu hi Pathian nih tha tein sermi kan si. Kan unau Kuki nih niceu dawh an hmuhtuanhnakhnga thlacamnak zong in bawm zungzal hna usih- Kai lawm.
CYLA GS- Pu Joseph Lal Min Thang Cinzah@ Joseph Lalhmingthanga Chinzah ” Pipu chan i khat le khat an i doh tikah an hngawng an i tan i, an i thlaipiak teinak ah an hman ko, asinain nu le ngakchia cu an kutpar zong in an tawng hna lo. Kuki – Chin harnak hi State dang i ummi kan si zongah kan muisam i hmu bal hna hmanh hlahsehlaw kan unau an si kan dirkamh hna a herh.
Lai Students ‘ Association General Headquarter Lawngtlai – General Secretary MC Vanlalrova Lai ‘ Unau nih buainak an tuar cuahmah lio ah nihin i khualum lak in kan i pho hi a sunglawi, nihin ah ngakchia in upa tiang nan rak chuah hi lunglawmh awk taktak a si. Kan unau an tuarnak hi zing chun zaan thla kan camnak paoh ah philh hna hlah usi, I pumkhatnak tha kan neihkhawhnakhnga le Bawipa kan naih chinnak ah cang ko seh” tiah Laiholh in a chim. Hi caan hmannak hi Pu F. Lalrothang CYLA Vice President nih a hruai i, Rev. Dr. Lalthlamuana BCM nih caanzarh a hman hnuah NGO lei in hruaitu hna nih bia an chim, Pathian sinah zapi thlacam rualnak an ngei. Cu hnuah MC Vanlalrova Lai nih lunglawmhbia chimnak in caan dih ter a si.
Leave a Reply