Pago ramṭhen Nyaunglebin pengkomh Shwegyin peng le Mone peng ah a ummi khuate hna cu SAC ralhrang nih ruang umlo in an kah hna caah tualchung mi 2 an nunnak liam 4 hliam an tuar tiah KNU nih an langhter.
August 28, zinglei suimilam 5:00 tluk ah Khah Lah Yah 264 Shwegyin peng Chaininn khua cu 120 MM hriamngan in SAC ralhrang nih voi 2 a kah tiah theih asi.
Zinglei suimilam 9:00 tluk ah Kyaunggon khua ah hriamngan 3 kah ṭhan. Cu ni ṭhiam Zanlei suimilam 6:00 tluk ah YeTwenKaung fimcawnnak sianginn lei hoih in voi 5 tluk a kah ṭhan caah chungkhar khuasaknak inn 1 zong aa khenhchih tiah theih asi.
August 29, zinglei suimilam 11:00 tluk ah Shwegyin peng Pyinyaegyi khua ah SAC ralhrang nih MM 122 hriamngan voi 3 tiang a kah caah kum 7 ngakchia (Nu) le Daw San Myo Oo kum 44 an nunnak a liam midang Kyaw Meo Nan, Moe Moe, Htut Win Phyu, Sho Yaw Ka nih hliam an tuar tiah theih asi.
Leave a Reply