Shan ramkulh thlanglei, Taunggyi khuapi, Hpayaphyu sang 8 le 9 kar lam ah siangngakchia thlahtu motor pakhat cu August 14 zing suimilam 8:00 tluk ah aa let i sianginn cachim saya 1 telh in siangngakchia 20 hliam an tuar. Hliam a tuarmi chung ah siangngakchia nu 1 le motor khaltu sayapa hi an hliamhma a fah tuk caah an nunnak thinphang a si ko, tiah tualchung mi hna nih an chim.
Siangngakchia hna hi Hpayaphyu sang 9, Yehtuat Oo lam Boarding sianginn ummi an si. Ye Aye Kwin sang B.E.H.S.10 siangsangrun sianginn lei thlah dingin an kal lioah motor break a rawk i aa let, tiah theih a si.
Motor aa citmi hna hi Grade 6 in Grade 12 siangngakchia pa 16, siangngakchia nu 13, an dihlak 29 an si. Hliam tuarmi hna cu Sao San Tun sii-inn ah an tlikpi hna, tiah theih a si.
Leave a Reply